Ермекбаева Венера Тулесиновна

Қаламыздағы медицина саласының майталмандарының тағы бірі - Ермекбаева Венера Тулесиновна 1961 жылы маусым айының 1 жұлдызында Туркменстан Республикасы Ташауз облысында дүниеге келген. 1968-1978 жылдары Көнеургенч қаласында № 2 орта мектебін бітіреді.  1980-1982 жылдары Ленинград қаласының медициналық училищесінде білім алған жас жеткіншек 1983 жылы жылы Көнеургенч қаласындағы орталық қалалық ауруханасында оташы бөлімінің анестезия медбикесі болып жұмыс жасай бастайды. 1986 жылы Ашхабад қаласындағы Туркмен мемлекеттік медициналық институтының педиатрия факультетіне түсіп, 1992 жылы тәмәмдаған. Жоғары білімді маман 1993-1996 жылдары аралығында  Көнеургенч қаласында телім педиатр дәрігері болып, 1996-2006 жылдары Көнеургенч қаласындағы орталық ауруханасында жанұялық дәрігері болып қызмет атқарған. 2015 жылы №1 Жаңаөзен қалалық емханасына телім педиатры ретінде келген Венера Төлесінқызы 2018 жылы №3 Жаңаөзен қалалық емханасына ауысып, жалпы тәжірибелі дәрігері қызметіне тағайындалады.

30 жылдан астам дәрігерлікті өзіне жолдас еткен тәжіибелі де өз ісіне ұқыптылығымен танылған маман «Еңбегінің жемісін көрген адам бақытты», - дейді. Оның айтуынша, жақсы дәрігер болу үшін істі таза, адамгершілікпен істеу керек. Жас мамандар жақсы дәрігер болуы үшін үлкен практикалық мектептен өтіп, үнемі оқып, ізденісте болғаны дұрыс.

Венера Төлесінқызы жұмысына білікті дәрігер, ұжым арасында сыйлы, медбикелеріне үйрететіні мол дәрігер ғана емес, көзінің қарашығындай болған қызына бар махаббатын берген мейірімді ана.

Дәрігерді төл мерекесімен құттықтай отыра, еңбегінің жемісін көріп, толағай табыстарға жете беруіне тілектеспіз.