Мингирова Джамиля Чалабаевна

ҮМІТТЕРДІ АҚТАҒАН АҚ ХАЛАТТЫ АБЗАЛ ЖАН

Сан талай сынақтармен сыналатын адам өмірі ақ халатты абзал жандармен тығыз байланысты. Қай жерің ауырса, жаның сол жерде. Ауру жаныңа батып тұрғанда ең жақын адамға емес, ақ халатты жандардың көмегіне жүгініп жатамыз. Адамның өміріне қатысы бар дәрігер қауымдарынан барлығы қамқорлықты сезгісі келіп, сеніммен барады. Бүгінгі кейіпкеріміз үмітпен ем іздеп келгендердің сенімін ақтап жүрген абзал жан – Мингирова Джамиля Чалабаевна. Ол1961 жылыТәжік КСР, Джиликуль облысында дүниеге келген. 1978 жылы мектепті бітіріп,  1979 жылы Сырдария облысы Гүлстан қалалық медициналық училищесіне түседі. 1983 жылы Ташкент қаласындағы Орта азиялық медициналық институтына түсіп, 7 жыл педиатрия ісі бойынша білім алады. Оқуын ойдағыдай бітірген жас дәрігер 1990 жылы Өзбекстан Республикасы Сырдария ауданының бала босандыру бөлімнде неонатолог дәрігері болып қызмет жолын бастайды. Он жылдан астам тәжірибе жинақтаған маман Маңғыстауға келіп, 2003 жылдан бастап Сенек ауылының емханасында жалпы тәжірибелі дәрігері болып қызмет атқарады. 2016 жылы №1 Жаңаөзен қалалық емханасына жалпы тәжірибелі дәрігері ретінде жұмысқа орналасып, 2018  жылдан бері №3 Жаңаөзен қалалық емханасында аталмыш қызметте жұмыс жасап келеді.

Джамиля Чалабаевна көмегін еш аямайтын, жұмысына адал өте мықты дәрігер болумен қатар отбасын айрандай ұйытып, екі қыз екі ұл тәрбиелеп отырған өнегелі ана. Өзінің біліктілігі мен білгірлігінің, ашық мінезінің арқасында ұжымына сыйлы, тума-туысы арасында абыройлы тұлғаға алдағы уақытта да халықтың алғысы мен ыстық ықыласына бөлене беруін тілейміз!